Бүгін аудандық мәслихат депутаттығына үміткерлер — А.Меңлібеков, Ө.Маткеримов, А.Күзембаева, С.Қынтаев — «Ақсу Жабағылы» мемлекеттік табиғи қорығының ұжымымен «Nur Otan» партиясының сайлауалды бағдарламасы тақырыбында экспромт-кездесулерін өткізді, деп хабарлайды Neonomad.kz ақпарат агенттігі.
«Nur Otan» партиясының сайлауалды бағдарламасы Түлкібас ауданын дамытудың 7 басым бағыттарының негізі етіп айқындап, нақты міндеттерді қамтиды деді. Олардың 100%-ы мемлекет басшысының Қазақстан халқына Жолдауында айтылған тапсырмаларын орындауға бағытталса, бағдарламаның міндеттері Түлкібас ауданындағы ауылдық округтердің негізгі сұраныстарын қамтиды, қоғамның өзекті мәселелеріне жауаптар береді.
Қазіргі сайлау науқанындағы басты ұранымыз — «Қиындықты еңсеріп, жеңіске бірге жетеміз!».
Қорық ұжымына біздің барлығымыз Партиямыздың осы заманғы сын-қатерлерге батыл жауап беретін және қазақстандықтардың сеніміне лайық нақты істер партиясы екенін көрсетуге тиіс екендіктерін алға тартты. «Ақсу-Жабағылы» мемлекеттік табиғи қорығы — Орта Азия мен Қазақстандағы ең байырғы қорық, ол 1926 жылы шілденің 14-не құрылды. Бұл қорықты ұйымдастырудағы негізгі мақсат — Батыс Тянь-Шаньның ландшафтарын сол табиғи қалыпта сақтап, осы тау жүйесіндегі табиғат комплекстерін даму заңдылығын зерттеу. Қазірде біздің қорық көптеген ғажайыптары үшін ЮНЕСКО жасаған дүние жүзілік қорықтар тізіміне енген.
Ақсу-Жабағылы қорығы Талас Алатауы мен Өгем тауларының солтүстік-батыс сілемдерінде орналасқан. Қорықтың жалпы көлемі — 131 934,3 га, екі мемлекетпен — Қырғызстанмен және Өзбекстанмен шектеседі, қорықтың жері Оңтүстік Қазақстан облысының Түлкібас, Төле би, Бәйдібек аудандарында және Жамбыл облысының Жуалы ауданында жайғасқан. Қорықтың басқармасы Жабағылы ауылында орналасқан.
Қорықта ең биік тау — Сайрам шыңы, оның биіктігі теңіз деңгейінен — 4238 м. Қазақ халқы бұл тауды «Ақтүйе өлген» деп атаған, өйткені таудың көрінісі жансыз жатқан түйеге ұқсайды. Қорықтың орталығында биік, мұзды Бұғылытұр шыңы ерекшеленеді, бұғылы деп қойған, өйткені, бұл тауда бұғылар мекендейді.
Қорықта ең негізгі өзендері — Ақсу және Жабағылы. Ақсу — ең ұзын өзен, 120 км-ге созылып жатыр. Мамыр айында Ақсу көгілдір түсті болса, ал жаз айында, өзен тасыған кезде, оның түсі сүтке ұқсас болады, бұл өзеннің аты да байланысты қойылған. Кіші Ақсу мен Үлкен Ақсу қосылған жерде тамаша айбынды терең тік аңғарлар — құз-шатқал құралған. Құз-Шатқалдың айналасында ыстық, жел болып жатса, ішінде салқын, таза ауа, жел тұрмайды, ауа райы Испанияға ұқсас, сондықтан да айтады екен: Ақсуда өмір сүрсең қартаймайсың.
Жабағылы өзені Ақсудан екі есе қысқа, тар, саз қоспаларының әсерінен өзеннің суы сары, кейбір кезде қызыл болады. Жабағылының тармақтары — Жетісай, Кіші-Қайыңды, Ізбала, Үлкен-Қайыңды, Байдақсай. Өзендер басын таудағы жылжымалы қалың мұз бен қардан алады. Небәрі қорықта 114 мұз таулары бар.
Қорықтың фаунасы 2457 жануарлар әлемін құрайды. Құстың — 267, сүтқоректілердің — 52, бауырымен жорғалаушылардың — 11, қос мекенділердің — 3, балықтың — 2 түрі мекендейді. Шыбын-шіркей, құрт-құмырсқаның 2124 түрі бар.
Қорықтың флорасы 1737 өсімдіктердің түрін құрайды. Мүктің — 63, қынаның — 64, балдырлардың — 63 түрі, саңырауқұлақтың — 235, жоғарғы сатыдағы өсімдіктердің — 1312 түрі. Соның ішінде бұтаның — 62, ағаштың — 17 түрі кездеседі.
Қорықтың территориясында көлдің саны 27 деп есептеледі, бірақ олардың бәрі өте биікте орналасқан, қар ерімейтін жерде.
Ақсу-Жабағылы қорығы өсімдіктер дүниесіне бай. Мысалы, Грейг қызғалдағы — 10 сантиметрге дейін жететін қызыл, қызғылт, сары түсті ірі, әсем гүлі бар. Бұл эндемик өсімдік біздің қорығымызда қорғалады. Көп мөлшерде жиналып, жуашығымен бірге қазып алуға байланысты сиреп кеткен. Әрбір қызғалдақ тамырланып, гүл ашуы үшін 6-8 жыл уақыт керек екен. Ал, ұрығын шашатын болсақ, ол 10 жылда өнеді. Жұлынған қызғалдақтың баданасы немесе түйіні бір-екі жылдарда өз мүмкіншіліктерін жоғалтады. Ал адам қолы тимеген өсімдіктер 10 жылдар бойы өсіп-өнеді.
Кауфман қызғалдағы — 4-5 см-дей келген гүлінің гүл жапырақшаларының ішкі жағы сары дақтары бар ақ түсті, ал сырты қызғылт немесе күлгін түске боялған. Қызғалдақтардың екі түрі де сиреп кеткеннен кейін Қазақстанның Қызыл кітабына енгізілген. Жиын соңында қорықшылар 2021 жылдың 10 қаңтарында NUR OTAN-ға дауыс беретіндіктерін жеткізді.
Сайлауалды үгіт-насихат бағытындағы материалдар «Nur Otan» партиясы Түркістан облыстық филиалының сайлау қорынан төленеді.
