Шымкент қаласының экс әкімі Ғабидолла Әбдірахымов отставкаға кетуіне қатысты пікір білдірді, деп хабарлайды Neonomad.kz ақпарат агенттігі Tengrinews.kz сайтына сілтеме жасап.
«Президенттің шешімі талқыланбайды. Мұндай жағдай әр адамның жеке жауапкершілігіне тиесілі. Саясатта мұндай нәрселер орын алып тұрады. Мұнда қандай да бір азғындық немесе ерекше нәрсе көріп тұрған жоқпын. Қазақстанда тұрамын, осы жерде жұмыс істеймін. Менде барлығы да жақсы», – деді экс әкім.
Мұнымен қатар, ол Лондондағы бейнежазбасына қатысты пікір білдірді. Оның айтуынша, ол жас ұрпаққа бағытталған. Адамдар Қазақстаннан кетпеуі керек дегенді жеткізбек ниетте болған.
Экс әкім әзірге алдағы жоспарларын жарияламауды жөн көретінін айтты. Мұнымен қатар, алдағы уақытта да әлеуметтік желіде белсенді болуға уәде етті.
«Менің достарым, әріптестерім бар. Мен өлген жоқпын!» – деп қорытты сөзін ол.
Естеріңізге сала кетсек, 30 шілде күні Ғабидолла Әбдірахымовтың қызметінен босатылғаны туралы хабарлаған едік.
