Ақтаудағы мектептердің бірі таратқан кітаптардан қандала шықты, деп хабарлайды Neonomad.kz ақпараттық агенттігі Lada.kz сайтына сілтеме жасап.
Жетінші сынып оқитын бала мектептен кітап әкелген, сөйтсе оның ішінен қандала шыққан. Баланың ата-анасы мектеп басшылығына шағымданғанымен, нәтиже жоқ.
Олардың сөзінше, басқа оқушылардың да кітабынан қандала шыққан.
«20 тамыз күні мектеп кітапханасында кітап таратты. Үйге келген соң біз олардың ішінен қандала көрдік. «Тосын сый» бар кітап тек бізде ғана емес екен. Басқа ата-аналар да жәндіктері бар кітап алыпты», – дейді жетінші сынып оқушысының әкесі.
