Медеу Арынбаев өнердегі Қайрат Нұртас, Төреғали Төреәлі және Әбдіжаппар Әлқожа сынды бауырлары туралы ойын бөлісті, деп хабарлайды Neonomad.kz ақпарат агенттігі «Уақыт көрсетеді» бағдарламасына сілтеме жасап.
«Төреғали бауырымды әнші деп айта алмаймын. Төреғали тапқыр, дөп түсе қояды. Өзінің даусына келетін, ақындығы бар, сөзімен алып кетеді. Актерлік қасиетімен алып кетеді. Ал оңтүстіктің тумасы өз бауырым Қайрат Нұртасқа қазір даусын қолға алу керек. Аздап демалу керек. Связка деген шаршайды.
Даусы шаршаңқырап қалған. Негізі ол өзі шаршайын деп даусын шаршатып жүрген жоқ. Халық шаршатады. Аздап демалыс алу керек, алты ай болсын сөйлемеу, үндемеу керек. Даусын емдету керек. Алдында бір концертте даусы сәл қысылып қалып, халық соны шу қылған», – дейді ол.
