Ақмола облысында ішімдікке тойып алған көлік жүргізушісі жүк пойызына соқты, деп хабарлайды Neonomad.kz ақпараттық агенттігі ҚазАқпарат сайтына сілтеме жасап.
Жол-көлік апаты 22 қарашада түстен кейін Шортанды ауданында орын алған. 35 жастағы ер адам ащы судың буымен тыйым салынған белгілерге назар аудармаған. Ол түсіп тұрған шлагбаумды елемегендіктен жүк пойызына соғылды.
Одан басқа, көлікте бір әйел адам мен тағы бір жолаушы болған.
Ведомствоның мәлімдеуінше, жол апаты салдарынан 67 жастағы әйел мен көлікті тізгіндеген 35 жастағы азамат жарақат алған.
Дәрігерлер зардап шеккен әйелдің жағдайын орташа ауыр деп бағалауда. Ол ауруханаға жатқызылды.
Ішімдік ішіп, рульге отырған азаматты бес жылға жүргізуші көлігінен айыру мүмкін. Оған көлікті мас күйде тізгіндегені үшін әкімшілік хаттама жазылды.
