Үндістанда құмар ойыннан ұтылып қалған ер адам ақшаның орнына әйелін бере салмақ болды, деп хабарлайды Neonomad.kz ақпарат агенттігі.
Бинод Кумар Шах бәстен жеңіліп, қарызының өтемі ретінде жеңімпазға өз әйелі Чанда Дэвиді бермек болды. Алайда әйел өзге ер адаммен кетуден бас тартқан. Осы кезде күйеуі оны соққыға жыққан.
Кейін оқиға болған жерге полиция келіп, қазір тергеу жұмыстары жүріп жатыр. Полицияға арыз жазған келіншек осы оқиғадан кейін үйінен кеткен. Қазір ол ата-анасымен бірге тұрып жатыр.
