Қазақстандағы әлеуметтік желідегі топтарда қазақ қызын дәстүрге сай ұзатып алған қара нәсілді жігіттің видеосы тарады. Желі қолданушылары осы видеоға қатысты түрлі пікір білдіріп жатыр. Бірі ақжарма тілегін жарыса жазса, екіншілері керісінше сын айтуда, деп хабарлайды Neonomad.kz ақпарат агенттігі.
Кадрлардан қазақ қызының қара нәсілді азаматқа ұзатылып бара жатқанын көруге болады. Шетелдік күйеу баланың отбасы қазақы дәстүрге сай қызға сырға салды. Сондай-ақ, тойда бата оқу секілді көптеген салт-жоралғыларды орындады.
Желі қолданушыларының бірі оларды сынаса, екіншілері керісінше махаббат бар жерде ұлт жоқ екенін айтып жатыр. Сондай-ақ, арасында қызға тамсана қарағандар да жетерлік.
«Өзімізде қара жігіттер толып жатыр еді ғой», «Байлық үшін шығар», «Әркім өзі біледі кімге тұрмысқа шығатынын», «Әппақ күйеу құтты болсын», «Қазақ қызын қара негрге қимаймын», «Екеуіне бақыт тілеймін. Махаббат ешнәрсеге қарамайды», «Махаббат ұлт таңдамайды» деп жазды желі қолданушылары.
