Алматылық әнші Ксения Ашиғалиеваның күйеуі өзі туралы айтылып жатқан сөздерді жоққа шығарды. Керісінше әйелін өзіне жала жапты деп айыптады, деп хабарлайды Neonomad.kz ақпарат агенттігі.

Бауыржан Ашиғалиев әнші әйелінің айтқан сөздерін жоққа шығарды. Тіпті, әйелі дене жарақатын өзіне өзі салған деген нұсқа айтты.

Ксения Ашиғалиева Jackpot тобының вокал әншісі болса, күйеуі Бауыржан Ашиғалиев осы топтың гитарисі. Екеуі ажырасудың аз-ақ алдында тұр.

Ер азаматтың айтуынша, әйелін жертөлеге сүйреп, қорқыту, тіпті, ойында болмаған.

«Бұл – жала. Ксения дене жарақаттарын өзіне өзі салды. Ол жарақаттарға сараптама жүргізілгенін қалаймын. Ол менімен ажырасатынын айтқанда, балаларымды көрсетпейтінін айтып қорқытты. Көрсеткен жағдайда қайтарымына ақы сұрайтын. Мен балаларымды жақсы көремін. Олармен бірге көбірек уақыт өткізгім келеді», – дейді Бауыржан Ашиғалиев.

Айтуынша, досы екеуі Ксениямен кездескен кезде өзін ұрып жатқанын айтып, айқайлай бастаған.

«Ксения сол жерде жанжал шығарып, асфальтқа құлады. Басында тоқтау айтып едік, ол бұрынғысынан бетер айқайлай түсті. Жұрттан көмек сұрады. Өзін ұрып жатқанын айтты. Кейін полиция келіп, бізді бөлімшеге алып кетті», – дейді ол.

Естеріңізге сала кетсек, осы уақытқа дейін алматылық әйелдің күйеуінің үстінен шағымданғаны туралы хабарлаған едік.