Британияда мұздатылған фарштың ішінен ірі көлемде кокаин табылды, деп хабарлайды Neonomad.kz ақпараттық агенттігі Lenta.ru сацтына сілтеме жасап.
Басылымның мәліметінше, есірткі Британияның оңтүстік-шығысындағы Харвич қаласына қарай бағыт алған жүк көлігінің ішінен табылды. Хук-ван-Холланд портынан шыққан жүк көлігі Голландиялық фирманың атына тіркелген екен.
Шекарашылар есірткіні 11 қарашада тәркіледі. Жалпы, жүк көлігінен мұздатылған фарштың ішіне жасырылып, қораптарға қапталған 200 келіден астам кокаин анықталды. Есірткінің бағасы 20 млн фунттан астам ақшаға бағаланып отыр.
48 жастағы жүк көлігінің жүргізушісі голландиялық Роберт Тромп контрабанда бойынша сот алдында жауап беріп, 12 жылға қамауға алынды.
Британия ұлттық қылмыстық агенттігінің мәліметінше, бұл контрабанда тұтас қылмыстық желінің әрекеті болуы мүмкін.
«Заңсыз есірткі сауда-саттығы Британиядағы қылмыстық топтардың негізгі мүддесіне айналған», – дейді агенттіктің басшысы Жак Бир.
