Павлодар облыстық Полиция департаментінің басшысы тағайындалды, деп хабарлайды Neonomad.kz ақпараттық агенттігі ІІМ сілтеме жасап.
ҚР Президенті Әкімшілігінің және облыс әкімінің келісімі бойынша полиция полковнигі Мәсімов Нұрлан Мырзаханұлы Павлодар облысы полиция департаментінің бастығы болып тағайындалды.
Бұл қызметте болған Полиция генерал-майоры Аубакиров Амантай Акрамұлы қызметінен босатылды.
Мәсімов Нұрлан 1973 жылы туған, ішкі істер органдарында 1999 жылдан бастап қызмет етеді. Басшылық қызметте мол тәжірибесі бар.
«Мемлекет басшысы Қасым-Жомарт Кемелұлы Тоқаев атап өткендей, ішкі істер органдарын модернизациялау, ең алдымен, қоғамның талаптарына сәйкес келетін жаңа полиция құрылымын қалыптастыруға бағытталған. Қазіргі заманғы қауіп-қатерлерге қарсы қылмыспен тиімді күресуге дайынбыз», – деді министр Ерлан Тұрғымбаев жаңа басшыны таныстыру барысында.
