Оралда ойнап жүрген бес жасар бала өртеніп кете жаздады, деп хабарлайды Neonomad.kz ақпараттық агенттігі «Мой город» сайтына сілтеме жасап. 

Төтенше жағдай қаланың Солтүстік-Шығыс ықшамауданындағы 19 үйдің ауласында болған.

БҚО денсаулық сақтау басқармасының баспасөз қызметі 20 тамызда 16:10 уақытында жедел жәрдемге осындай мәліметте шақырту түскенін растады.

Әлеуметтік желі қолданушылары, ойнап жүрген үш бала бірінің үстіндегі киіміне от қойғанын жазды.

«2012 жылғы бала күікпен келіп түсті. Бір бала оның мәйкісіне от қойған. Күйіктің көлемі 3-6 процент. Алғашқы медициналық көмек көрсетілді. Ауруханаға жатқызуды керек етпеді. Емханаға қаралып тұруға кеңес беріліп, ол бала үйіне жіберілді», – деп хабарлайды облыстық денсаулық сақтау басқармасындағылар.

Полиция да бұл ақпаратты растады.

«Қазір тергеу шаралары жүргізіліп жатыр, кінәлі адам табылды, жағдайдың мән-жайы анықталып жатыр. Белгілісі, ер адам баланың үсті жанып жатқанын көріп, отты өшіріп, оның мәйкісін шешіп алуға көмектескен», – дейді БҚО полиция департаментіндегілер.