Алматыда жантүршігерлік оқиға болды. Ер адам көршілерс тұрған мүгедек қызды бес сағат бойы зорлаған. Күдікті қайтыс болған әнші Жанна Саттарованың күйеуі, деп хабарлайды Neonomad.kz ақпараттық агенттігі Еуразия телеарнасына сілтеме жасап. 

Бұл туралы «Немолчи» қорының жетекшісі Дина Смаилова мәлімдеді.

Жантүршігерлік оқиға Алматыда 29 қарашада орын алды. 53 жастағы ер адам көршілес тұрған мүгедек қызды гаражына апарып, бес сағат бойы ұрып, зорлаған. Ол қызға айтқандарын істемесе «өлтіріп, көміп тастаймын»- деп қорқытқан.

Әбден қорлық көрген қыз бірнеше сағаттан кейін әрең қашып шыққан. Сөйтіп ауруханаға түскен. Ол жақстан шыққан соң қарашаның 26 және 27 күндері де зорлағанын мәлімдеген.

«Зорлау әрекеті бірнеше рет болған. Зорлаған соң ол қызды қорқытып, есірткі затын беріп отырған. 29 қараша күні тіпті шектен шығып, зорлаумен қатар аяусыз ұрып-соққан. Соңғы күшін жинап үйіне қашып барған», – деді Смаилова.

Кейін белгілі болғандай, сексуалды зорлық көрген азаматша 30 жастағы тұрмысқа шықпаған қыз екен. Ал оны зорлаған ер адам белгілі джаз әншісі Жанна Саттарованың күйеуі болып шықты. Марқұмның сіңілісі көзі тірісінде ол Жаннаны да талай мәрте соққыға жығып, азаптаған, дейді.

«Мен және туыстарымыз күйеуінен кетіп қалу туралы талай айтқанбыз. Ол онымен 20 жыл бойы тұрді. Оның өліміне де осы азамат кінәлі екенін ашық айта аламын», – деді әншінің сіңлісі Гауһар Саттарова.

Жаға ұстатарлық жайтты естіген ер адамның қызы да одан бас тартып отыр. Оның сөзінше, жәбірленген қызбен бірге өскен. Жақсы қарым-қатынаста болған. Ал, әкесі жасынан жүйке аурууына шалдыққан екен. Араларында жиі ұрыс-керіс туындап, балаларына қауіп төнгендіктен бөлек шығып кетіпті.

«Бұл жағдай менің төбемнен жай түскендей әсер етті. Өйткені мұндай жағдайлар бұрын болған жоқ. Бірақ дәрісін ішпеген кезде барлығымыздың жынымызға тиетін. Мен оны кешіре алмаймын. Заң бойынша барлық баптар бойынша жауапқа тартылсын», – деді қызы.

Қылмыстық іс «Адам зорлау» бабы бойынша қозғалып, күдікті қамауға алынған. Алайда қоғамдық ұйым өкілдері бұл бап бойынша 5 жылға дейін ғана жаза көзделгенін айтады. Егер осы баптың екінші тармағына ауыстырылса 20 жылға дейін бас бостандығынан айыру көзделген. Аса ауыр қылмысқа барған азаматқа жаза да ауыр болу керек дейді.