Тәртіпсіздіктер кезінде түсірілген суреттің кейіпкерлері – кішкентай қыз бен Ұлттық гвардияның жауынгері кеше, 14 маусым күні, Нұр-Сұлтанда кездесті, деп хабарлайды Neonomad.kz
Ұлттық гвардияның жауынгері Шамиль Хасанов кішкентай қызға тәттілер мен қуыршақ, сонымен қатар раушан гүлін сыйлады. Ал оның жолдастары гитарада ойнап, ән айтып берді.
Елордада болған митинг кезінде түсірілген суреттің авторы Саяжан Досжанова Шамильге тәрбие берген ата-анасына алғысын айтты.
«Осындай ер азаматты тәрбиелеген сіздерге рахмет. Қарапайым, мейірімді, кеңпейіл. Ол Айришканы (менің қызымның есімі – Айрин) құшақтап, онымен биледі. Бір-бірінің бетінен сүйіпте үлгерді», – кішкентай қыздың анасы.
«Достар, тоғыз ай бойы жүрегінің түбінде көтеріп келген баласын митинг болып жатқан жерге апарып, оны әдейі суретке түсірту үшін анаға қанша ақша төлеу керек екенін мен білмеймін. Сондай-ақ, өзінің беделін, намысын сату үшін журналиске қанша төлеу керек екенін де білмемін», – деп жазды Саяжан Досжанова Instagram желісіндегі жеке парақшасында.
Полиция қызметкеріне гүл ұсынған кішкентай қыздың суреті әлеуметтік желілер мен БАҚта жаппай тараған болатын. Кадр көптеген қазақстандықтардың көңілінен шығып, олар әлеуметтік желілерде жүздеген жылы лебіздерін жазған болатын.