Англияның Саутгемптон қаласында жалғызбасты ана дәрігерлердің кеңесіне құлақ аспай, оныншы баласын дүниеге әкелді. Мамандар оның денсаулығы нашарлап кетуі мүмкін екенін ескерткен болатын, деп хабарлайды Neonomad.kz ақпарат агенттігі Stan.kz сайтына сілтеме жасап.
Соня О’Лафлин (Sonya O’Loughlin) мемлекет тұрмыстық жағдайы төмен отбасыларға берген төрт бөлмелі пәтерде тұрады. Ол күні бойы балаларына қарайлайтындықтан, жұмыс істеп үлгермейді. Оның тағы сағат 06:30-да балаларын оятудан басталады. Балаларын мектепке шығарып салған соң, өзі супермаркетке барып, азық-түлік алып келеді. Кейін ас әзірлеуге кіріседі.
Жағызбасты әйел әлеуметтік төлемдердің арқасында күн көріп жүр. Ол пәтер үшін 14,7 мың рубль және әр апта сайын тамаққа 10,7 мың рубль жұмсайды. Ағылшындық әйел азық-түлікті бірден көп сатып алу арқылы үнемдейді.
О’Лафлин жақсы жұмысым жоқ дейтіндерге өзі секілді өмір сүріп көруге кеңес берді.
«Олар бірінші күннен-ақ қашып кеткен болатын», — деді британиялық әйел.
Оныншы баласын босанар кезде дәрігерлер денсаулығы айтарлықтай нашарлап кетуі мүмкін екенін айтып ескерткен. Алайда 9 баласын дүниеге әкеліп үлгерген ол, оныншы баласын босанудан еш қорықпаған. Ол ешуақытта жүктіліктен сақтандыратын заттарды тұтынып көрмеген.
