Украина елінің Николаев облысында қарияның 16 жастағы жиен немересі оны компьютерді сөндіргені үшін пышақтап тастады, деп хабарлайды Neonomad.kz ақпарат агенттігі ТСН телеарнасына сілтеме жасап.
Қария қызымен бірге жиен немересі тұратын үйге қонаққа келеді. Кейін қария жиенін бақшаны бірге арам шөптен тазартуға шақырады. Алайда ойынға берілген жасөспірім орнында отыра береді. Осы сәтте қария ашуланып, компьютерді сөндіріп тастайды.
«Қолына пышақ алып, атасын бес рет жарақаттаған. Екі соққы жүрегіне тиген», – дейді Максим Евграфов.
Жедел жәрдем келгенше зейнеткер оқиға орнында көз жұмды. Жасөспірім оқиға болған жерге полиция қызметкерлерін өзі шақырған.
«Жасөспірім өз кінәсін толықтай мойындап отыр», – деді Новоодеск полиция басқармасының басшысы міндетін атқарушы.
Ал көршілері өз кезегінде марқұм зейнеткердің сабырлы болғанын айтады.
