Алматы қаласында дәрігерлер өгей әкесінің қолынан өлуге қалған 2 жасар сәбидің ауыр халде жатқаның айтты, деп хабарлайды Neonomad.kz ақпарат агенттігі Tengrinews.kz сайтына сілтеме жасап.

Алматы қалалық балалар жедел жәрдем орталығының бас дәрігерінің орынбасары Дінмұхамед Рузуддинов әкесінің сәбиді бірнеше рет ұрғанын мәлімдеді.

«Бала коматоздық жағдайда түсті. Тыныс алмағандықтан біз оны өкпені жасанды желдету аппаратына қойдық. Гематоманы алып тастадық. Баланың бүкіл денесі көгеріп кеткен – аяқтары, қолдары, денесі. Үстіндегі көгерген жерлері кешегі немесе бүгінгі емес, бұрынғы екені анық көрініп тұр. Бұл сәбидің жиі соққыға ұшырағанына дәлел», – деді Дінмұхамед Рузуддинов

Дәрігердің айтуынша, баланың халі мүшкіл.

«Бала алдымен басқа балалар ауруханасына жеткізілді. Онда сәбиге тексеру жүргізіп, бас миын КТ-ға түсірді. Балаға жедел емделу керек екені белгілі болған кезде, оны біздің ауруханаға ауыстырды. Сәбиге операция жасалып, үш сағат ішінде біз гематоманы алып тастадық. Қазіргі уақытта бала жансақтау бөлімінде жатыр, сананың деңгейі – кома», – деді Дінмұхамед Рузуддинов

Осы уақыттың ішінде сәбидің анасы әлі бауыр еті баласына келмегенін айтты дәрігер.