Facebook желісіндегі топтарда шетел азаматына тұрмысқа шыққан қазақ қызының видеосы тарап, қызу талқыға түсіп жатыр. Қазақстандықтар жерлестерін қара нәсілді азаматқа қимайтынын жарыса жазып жатыр, деп хабарлайды Neonomad.kz ақпарат агенттігі.
Видеодан қос ғашықтың АХАЖ-да некесін қидырып, жүзік алмасып жатқанын көруге болады. Сондай-ақ, олардың қуанышын бөлісуге шетелден туыстары келген екен.
Аталған видеоға көптеген лүпіл басылып, жағымсыз пікірлер жазылып жатыр. Арасында арудың таңдауын жақтағандар да болды.
«Бар мәселе ақшада болып отыр, махаббат жоқ», «Анасының ақ сүтін былғады», «Қыздарымызды шетелдіктер пайдаланып жатыр», «Қазақ қыздары ақшаға бола араб, қара нәсілді азаматтарға тұрмысқа шығып жатыр», «Күйеуіңмен бірге құры, Қазақстанға келуші болма» деп жазды желідегілер.
