Өзбекстанның Қашқадария облысы Қарши қаласындағы облыстық прокуратура ғимараты алдында жергілікті тұрғын Мұкаддас Мұстафаева үстіне бензин құйып, өзін өртеді. Оның 60 жастағы әкесі Олим Мұстафаев қызын құтқару кезінде күйіп, ауруханаға түсті, деп хабарлайды Neonomad.kz ақпарат агенттігі.
Әйелдің денесі күймеген, өйткені оны дер кезінде құтқарып қалған. Мұстафаева осы әрекеті арқылы сүруге жіберілген баспанасын сақтап қалуға тырысқан.
Олим Мұстафаевтың айтуынша, 19 ақпанда таңертең ол қызы Мұкаддаспен бірге облыстық прокуратураға барған. Олар сүруге жіберілген үйді сақтап қалу үшін арызданғысы келген. Дегенмен оларды ғимарат ішіне жібермеген.
«Біз бір жылдан бері күресіп жүрміз. Баспананы сүргелі жатыр. Бізді ешкім тыңдамайды. Қызым сол себепті өзін өртеді. Мен өртті сөндіру кезінде қолымды күйдіріп алдым. Одан соң бензин менің киіміме төгілді, соның салдарынан денемнің басқа мүшелері күйіп қалды», – деді Олим Мұстафаев.
