Индонезияның Батыс Сулавес провинциясында мұғалім жалаңаш қолымен питонды ұстап, оқушыларын құтқарып қалды, деп хабарлайды Neonomad.kz ақпарат агенттігі.
Әйел ұстаз жыланды жалаңаш қолымен ұстап, мектептен тыс жерге апарып тастады. Оқиға жұма күні мемлекеттегі мектептердің бірінде болды.
Мұғалім Путу Аюдың айтуынша, ұзындығы екі метрге жететін питон ғимаратқа сабақ кезінде кіріп алған. Артынша ол бұл жыланды қолға алып, балалардың көңілін орнына түсіреді.
«Питонды бірінші рет ұстап тұрмын. Балалар қатты қорқып кеткен соң, осылай жасадым», – дейді ол.
Мұғалімге өзге әріптестері мен оқушылар көмектесіп, олар жыланның аузын жауып тастады. Путу Аю мұндай жыландардың мектепке жиі кіретінін айтады. Қуаныштарына орай, ешкім зардап шеккен жоқ.
