Қытайдағы ұйғыр мәселелерін шешу мақсатында АҚШ сол елдің 28 компаниясына санкция салған болатын. Қытай тарапы наразлық білдірді, деп хабарлайды Neonomad.kz ақпараттық агенттігі РИА Новости сайтына сілтеме жасап.
Қытай АҚШ-тың бұл шешімін елдің ішкі істеріне араласуы деп мәлімдеді.
Еске сала кетсек, АҚШ-тың Сауда министрлігі ұйғыр халқының «құқығын бұзғаны» үшін Қытайдың 28 компаниясын қара тізімге қосатынын жариялаған.
«АҚШ енгізген шектеу шаралары халықаралық қатынастардың негізгі нормаларын бұзады, бұл -Қытайдың ішкі ісіне араласу және Қытайдың мүдделеріне зиян келтіру, біз мұны айыптап, америкалық тарапқа наразылығымызды ашық білдіреміз», – деді дипломат.
Дегенмен Қытай тарапы елдің ішінде болып жатқан істерге араласуға ешкімнің құқығы жоқ деп санайды. Және АҚШ-тан өзінің бұл қатесін түзеуге шақырды.
«Жаңа санкциялар Вашингтонда 10 қазанға жоспарланған АҚШ-Қытай сауда-саттық келіссөздері алдында жарияланды. Екі елдің өкілдері зияткерлік құқықтар, тарифтік емес кедергілер мен ауылшаруашылық салаларына назар аударады», – деп жазады басылым.
