Ирандағы құқық қорғаушы Саба Корд Афшари хиджабты шешкені үшін «жезөкше болуға шақырды» деп айыпталып, 15 жылға бас бостандығынан айырылды, деп хабарлайды Neonomad.kz ақпарат агенттігі Daily Mail басылымына сілтеме жасап.
Аталған елде әйелдердің құқығы үшін күресіп жүрген 20 жастағы белсенді 24 жылға, оның ішінде хиджаб кию ережелерін бұзғаны үшін 15 жылға бас бостандығынан айырылған.
Афшари осыдан бір жыл бұрын тұтқындалған. Кейін биылғы жылдың ақпан айында ол босатылды. Артынша белсенді өз ұстанымын ашық түрде білдіруін тоқтатпағандықтан, өзі және анасы қайта қамауға алынды.
Құқық қорғаушы бұған дейін істі болғандықтан, бұл жолы анағұрлым қатаң жаза берілді.
Иран заңы бойынша, әйел адамдарға қоғамдық орындарда хиджабсыз жүруге болмайды. Ол үшін қамауға алу түріндегі жаза қарастырылған.
