Жыныстық қатынас туралы сөз қозғауға ыңғайсызданатын қазақ хиджаб киген әйелдің кеңестерін оқып, жаға ұстады, деп хабарлайды Neonomad.kz ақпараттық агенттігі Nur.kz сайтына сілтеме жасап. 

Интимді сауалдарға жауап берген хиджабтағы әйелді жұрты жерден алып, жерге салды.

Алина Шадинова есімді келіншек Instagram желісіндегі парақшасында кеңесін қынапты тарылту, яғни интим гимнастикасынан бастады. Орамалға оранған бикеш түрлі жаттығуларды көрсететін курс жүргузіді жоспарлап отыр.

«Оргазм – Алланың адамға берген нығметі деп қабылдаңыз. Оргазм сәтінде ағзада денсаулыққа керемет әсер етітін қаншама процестер жүреді. Одан қысылудың, ұялудың жөні жоқ. Бұл интимді нәрсе екені түсінікті ғой, тек өзіңіз сезінетін ерекше күй», – дейді сексолог.

Оның жазбалары мен видеоларымен танысқан жұрт келіншекті ұятқа шақырды.

«Ұят, масқара», «Айтып тұрғаның не сұмдық», «Сырты бүтін, іші түтін», «Құран мен Алланы қоспа», «Ақша істеу», «Бұл тақырыпты айтудың қажеті жоқ», «Күнәһар пенде», «Өтірк хиджаб киме», «Көргім келмей отыр», «Айналайын-ау, не айтып кеттің» , «Намаз оқимын дейді, жасанды болмашы», «Ақша табу үшін ұятты ұмыттың» , «Ұялып кеттім» деп ашуланды олар.