Forbes жариялаған ең көп қаржы төленген спортшылардың тізіміне қазақстандық боксшы Геннадий Головкин де енді, деп хабарлайды Neonomad.kz massaget.kz сайтына сілтеме жасап.
Басылымның мәліметінше, қазақстандық боксшының 2019 жылы тапқан табысы 25,5 млн доллардан асқан. Оның 23,5 миллион доллары – Роллспен айқасы үшін гонорар, ал 2 миллион доллар – демеушілік келісімшарттардан түскен.
Форбс жариялаған рейтингте Геннадий Головкин 95-ші орынды алды. Ал посткеңестік елдерден тізімге енген жалғыз спортшы болды.
Еске сала кетсек, канадалық боксшы Стив Роллспен кездесу Головкин үшін Dazn алаңындағы алғашқы айқас болды. Dazn-мен келісімшарт аясында 100 миллион долларға бағаланған тағы бес кездесу жоспарланып отыр.
