Қытайдың Қазақстандағы елшісі Чжан Сяо елдегі қытайлық кәсіпорындардың құрылысына қарсы митингілерге қатысты пікір білдірді. Өз сөзінде ол Қытайды территорияны басып алып, осында қоныс аударғысы келеді деген әңгімелердің негізсіз екенін айтты, деп хабарлайды Neonomad.kz ақпарат агенттігі.
«Жағдаймен таныс болсам да, бүгін түсініктеме беремін деп ойламаймын. Өйткені СІМ-де өткен митингілерден кейін әріптестерім бірлесіп 55 жобаның қайдан шыққанын, олардың мемлекеттік сараптамадан қалай өтіп жатқанын түсіндіріп, егжей-тегжейлі айтты. Комиссия әрбір жобаны нақты талдайтын болады. Бұл нәрсеге ешқандай алып-қосарым жоқ», – деді Чжан Сяо.
Оның айтуынша, екінші жағынан осы митингілерде айтылған күлкілі сөздер мен пікірлер Қазақстанның мемлекеттік органдарының құзіреттілігі мен кәсібилігіне күмән келтіреді.
«Мен жәй ғана «Сіздердің естеріңіз дұрыс па?» деген сауалды қойғым келеді. Осы мүмкіндікті пайдаланып, 55 жобаның біреуін мысалға келтіргім келеді. Бұл – былтыр мен барған Шымкент мұнай өңдеу зауыты. Зауыт ескі, кеңес заманында салынған. Қайта құру және модернизациялау алдында ол қазіргі технологиялық стандарттарға сәйкес келмеді. Ол шығарылатын өнімнің сапасы жағынан да, шығарындылары жағынан да ескірген.
Зауыт осы аймақтағы ауаны ластаудың негізгі көзі болды. Біздің бірлескен жұмысымыз бен күш-жігеріміздің арқасында зауыт толығымен жаңартылып, жаңа келбетке ие болды. Нәтижесінде, Қазақстан өзін сапалы отандық бензинмен қамтамасыз етіп қана қоймай, оны көрші елдерге де экспорттай бастады. Сонымен қатар, ресми ақпаратқа сәйкес, қазіргі Қазақстанда бензин барлық ТМД елдеріне қарағанда ең арзан. Бұл ресми ақпарат», – деді елші.
Жалпы, оның пікірінше, бұл соңғы кезде көтеріліп жүрген өзекті мәселе.
«Мен осы кездесулердің жалпы жағдайына назар аударғым келеді. Олар қазіргі уақытта екі ел дайындалып жатқан маңызды сапар қарсаңында болды. Сондықтан, мұндай әрекеттер екіжақты қатынастардағы осы маңызды оқиғаға қарсы бағытталған деп оңай айта аламын.
Осы кездесудің қарсаңында Қытайға және біздің екіжақты қатынастарымыздың дамуына, халықтың теріс көңіл-күйін тигізетін, итермелейтін, арандатуға тырысатын күштер тұр деп болжанады. Барлығы өте қарапайым. Олардың әрекеттері сәтсіз аяқталатындығын атап өткім келеді, өйткені олар тек өзімшілдіктің геосаяси мүдделерінен туындайды», – деп Чжан Сяо қорытындылады.
Естеріңізге сала кетейік, Жаңаөзенде, Алматы және Нұр-Сұлтанда әлеуметтік желілерде Қытайдың 50-ден астам кәсіпорны Қазақстанға жұмысын жүргізеді деген болжамнан кейін адамдар көшеге шықты. Олар бұған қарсы екенін жеткізді.
Сурет: Асқар Ахметуллин
