Тәжікстанда тағы бір тергеуші Тұрсынзада Эрадж Наимов қамауға алынды. Ол жергілікті тұрғын Хасан Ёдгоровты азаптады деген күдікке ілінді, деп хабарлайды Neonomad.kz ақпарат агенттігі.
27 жастағы Эрадж Наимов елден кетпеу жөнінде қолхат беріп, бостандықта жүр. Бірақ 16 қаңтарда Жоғарғы сот залында қамауға алынды. Оның адвокаты Гүлчехра Холматованың айтуынша, Хасан Ёдгоровтың ісі қайта зерттеу үшін бас прокуратураға қайтарылған.
2017 жылдың қараша айында жалдап тұратын пәтерінде официант Дмитрий Каримовтың денесі табылған. Бастапқыда Хасан Ёдгоров күдікті ретінде ұсталды. Кейін Хасан Ёдгоровтың кінәсын мойындайтын видео жарияланады. Ёдгоровқа қатысты сот жүру керек болған.
Бірақ нағыз күдікті ұсталғаннан кейін оны босатқан. Нағыз күдікті Леонид Мальченков Каримовтің телефонын сатқаннан кейін ұсталған. 2018 жылдың күзінде Леонид Мальченков 21 жылға бас бостандығынан айырылды.
2018 жылдың тамызында ұсталған Хасан Ёдгоров құқық қорғау органдарына еш кінәсі жоқ екенін мәлімдеген.
Бірақ оның анасы Шарофат Нарзикулованың айтуынша, ұлының денсаулығы мәз емес. Ёдгоровтың өзі Азаттықтың тәжік қызметіне берген сұқбатында тергеу абақтысында азапталғанын айтып, төрт рет электр тогымен қинағанын жеткізген. Азаптауға көнбеген ол кінәсін мойнына алатын қағазға амалсыздан қол қойып берген.
