29 жастағы Әлия Құрманәлиева суррогат ана болып күн көріп жүргенін бөлісті. Дәл қазір ол уақытша Мәскеуде тұрып жатыр. Өзінің 6 жасар Жанель атты қызы бар, деп хабарлайды Neonomad.kz ақпарат агенттігі Қазақстан ұлттық арнасына сілтеме жасап.

Қазақ келіншек бұл іске өмірінде болған қиыншылықтарға байланысты қадам басқанын айтты. Бұған тек жұмыс ретінде қарайтын ол үшінші сәбиіне аяғы ауыр.

«Ақша жағынан қиындықтар болған соң, бұл – баспаналы болудың оңай тәсілі десем болады. Бірінші қазақ отбасынан, екіншісі қытай отбасына. Тағы да қытай отбасыға суррогат ана болып жатырмын», – дейді ол.

Әлия Құрманәлиева босанған соң, сәбиге аса байланбайтынын айтады. Себебі, тоғыз ай бойы осы сәтке өзін психологиялық тұрғыдан дайындайды екен.

«Бұл бала менікі емес» дегендей ой миымда сақталып қалған. Бұл іске ақша үшін барып тұрғаннан кейін сол қаражатқа үй мен өзіме керек затымды аламын деген алдыма арман-мақсат қойдым. Сол мақсатыма орай Құдай сәтін салып, баланы аман-есен тапсыруға тырысамын. Құдайға шүкір, қазақстандағылармен әлі күнге дейін хабарласып, қалын сұрап тұрамын. Баланың жағдайы туралы маған айтып тұрады. Өзім де көріп тұрамын баламды. Бұл жерде жаман ешнәрсе көріп тұрған жоқпын», – деді Әлия Құрманәлиева.