Димаш Құдайберген Qazaqstan телеарнасына берген сұқбатында өзінің жеке өмірі, жетістіктері мен болшақтағы жоспарларымен бөлісті, деп хабарлайды Neonomad.kz. 

Көптеген өзекті сұрақтарды көтерген телеарна жүргізушісі Дана Нұржігіт, Димаштың жеке өміріне қызығушылық танытты.

«Сенің жасың жиырма бесте. Ата-анаң қашан ақ босағадан келін бала аттайды екен деп армандап жүрген болары. Бірақ сенің өмірің керемет өзгерді. Бүгін еліңде болсаң, ертең Пекиндесің, одан арғы күні Лос-Анджелесте. Осындай ғұмырды қалай отбасыңмен байланыстырасың? Сен өзің не ойлайсың?», – деді журналист.

Димаш қай елде жүрседе оның болашақ жары ата-анасының қасында болатынын айтты. Және болашақта өз отбасынан, ата-анасынан бөлек тұруды қарастырмайтынын айтты.

«Кіші бауырым Мансурге үлкендерді қалдырғым келмейді. Ол өссін. Сосын барып мен ойымдағы арманды жүзеге асыруға тырысамын. Біздің үлкендер, ата-анамыз, балалары мен немерелері бір ошақ астында ұзақ ғұмыр кешкенін қалаймын», – деді әнші.