Әлемдік деңгейдегі қазақстандық әнші Димаш Құдайберген Нью-Йорктегі БҰҰ жанындағы Қазақстанның тұрақты өкілдігінде болды, деп хабарлайды Neonomad.kz ақпараттық агенттігі.
Бұл туралы Facebook желісіндегі парақшасында Ануар Жайнақов жазды.
«Еліміздің нағыз әлем елшісі – Димаш! «Қазақстан үйіне келгендей болдым ғой», – күліп айтты Димаш Қазақстанның Біріккен Ұлттар Ұйымы жанындағы Тұрақты өкілдігіне келгенде. Димаш Құдайберген бүгін Нью-Йорктегі қазақстандық дипломаттармен және олардың отбасыларымен кездесті.
Танымал қазақстандық әнші БҰҰ штаб-пәтерінде де болып, алған әсерлерімен БҰҰ Жаңалықтар қызметімен сұхбатында бөлісті», – деді ол.
