Киевте депутаттың көлігіне шабуыл жасағанның оғы 3 жастағы балаға тиіп, салдарынан ол көз жұмды, деп хабарлайды Neonomad.kz ақпараттық агенттігі TCH сайтына сілтеме жасап.
Оқиға Киев қаласы Лев Толстой көшесінде орын алды.
Ер адам ресторатор, облыстық кеңес депутаты Вячаслав Соболевтың көлігіне оқ жаудырды.
Range Rover автокөлігін тізгіндеген Соболевтың сөзінше, атыс кезінде оның ұлы көз жұмған. Оқиға жексенбіде шамамен сағат 17:00-де болған.
«Ер адам С., есімді азаматқа оқ атқан. Алайда оқ автокөлікте отырған үш жасар балаға тиген. Бала жедел-жәрдем көлігінде жолда қайтыс болды. Адам өлімі дерегі бойынша қылмыстық іс қозғалды», – дейді Киев полиция бөлімінің байланыс бөлімшесі.
