ДЦП-ға шалдыққан баланың анасы қайтыс болып, бала мәйітпен бір апта қамақта болған, деп хабарлайды Neonomad.kz ақпараттық агенттігі Udm-Info. сайтына сілтеме жасап.
Қайғылы оқиға Ресейдің Можга қаласында орын алды. Жалғызбасты ана қайтыс болып, оның ДЦП-ға шалдыққан 13 жастағы баласы бір апта бойы мәйітпен өмір сүруге мәжбүр болған.
Церебралды сал ауруынан бөлек бала эпилепсиямен ауырған. Сондықтан сөйлей алмады.
Көршілерінің сөзінше, мүгедек бала аш болған. Айқайлап, көмекке шақырғанымен, оны ешкім елемеген. Өйткені бұл баланың әдеттегідей дауысы деп ойлаған. Бала ас үйге жетіп, су ішу үшін кранды ашқан. Алайда мүгедек арбасынан құлады. Бөлмені су басып кетті.
«Олардың пәтері 1-қабатта болатын. Сондықтан жертөлені су басқанын ешкім байқамады. Алдын ала мәліметке сәйкес, бала суық өтуінен көз жұмған», – деп жазады басылым.
