Болат Өтемұратовтың қоры мен Қызыл Жарты Ай қоғамы Арыста зардап шеккендерге жалпы соммасы 60 млн теңгеге қаржылай көмек көрсетпек, деп хабарлайды Neonomad.kz қордың баспасөз қызметіне сілтеме жасап.
Өтемұратовтың қоры мен Қызыл Жарты Ай қоғамы екеуі бірлесіп Арыс қаласының тұрғындарын қолдау мақсатында көмек карталарын табыстайды.
Бірінші кезеңде көмек қаржының жалпы соммасы 60 млн құрайды, ол 2 мың адам үшін. Бұл – Шымкентке эвакуацияланған зардап шеккендермен тілдесіп, мұқтаждықтарын білген соң қабылданған шешім.
Бұл қаражат адамдардың алғашқы мұқтаждықтарына қажет болады, делінген таратылған хабарламада.
