Қостанай облысында Ақсай ауылында 32 жастағы ер адамның өлі денесі табылған. Осы қылмыстық іске қатысы бар деген күдікпен бокстан Қазақстан чемпионы ұсталды, дап хабарлайды Neonomad.kz облыстық полиция департаментіне сілтеме жасап. 

Полицейлердің ақпаратынша, 11 шілде күні Ақсай ауылында адамның мәйіт табылған. Қылмыстық іске күдікті ретінде бокстан Қазақстан чемпионы Аслан Мұқанов ұсталды.

Белгілі болғандай, көз жұмған Ақсай тұрғынының жасы 32-де. Туысына бара жатқан ер адамды жолда біреу бауыздап кетіпті. Бұл туралы полицияға көз жұмған адамның әйелі хабарлаған.

Қылмыс болған орынға аудан прокуроры Ринат Кәрімовтың бастауымен жедел-тергеу тобы жеткен. Нәтижесінде күдіктінің Заречный елді мекеніне қарай бет алғанын анықтаған. Сөйтіп бұл хабардан «Садовод» шаруашылығы құлағдар болағн.

Бірнеше минуттан соң ферма күзетінің басшысы Евгений Радюк күдіктіге ұқсайтын адамды көргенін айтты. Шаруа қожалығына жеткен полиция қызметкерлері күдіктіні қолға түсірген.

Қазір сотқа дейінгі тергеу жүргізіліп жатыр. Қаза тапқан адам мен күдіктінің туыс екені белгілі болды.