Атырау облыстық перинаталдық орталығында дәрігерлер «сәбиді өлтірді» деген айтыптан соң мамандар Тоқаевқа хат жазды, деп хабарлайды Neonomad.kz ақпараттық агенттігі Ақжайық басылымына сілтеме жасап.
Орталықтың 23 дәрігері қазанның оны күні Тоқаевқа ашық хат жолдады.
«Сыбайлас жемқорлыққа қарсы іс-қимыл агенттігі іс сотқа жетпей жатып БАҚ-на ақпарат таратып үлгерді. Бұл перинаталды орталық дәрігерлерін қылмыскерлермен қатар қойғанмен бірдей деген сөз. Дәрігерлерге деген халық наразылығы одан сайын күшейді.
Біз өз әріптестерімізді ақтап отырғанымыз жоқ, олардың кінәсін тиісті органдар дәлелдейтін болады. Бізді істің ақ-қарасы шешілмей жатып, біздің бәрімізді қылмыскер деп танытқандары қынжылтып отыр. Мұндай жағдайда өз міндеттерімізді толыққанды атқару мүмкін емес, сондықтан да біз жұмыстан кетуге мәжбүр болып отырмыз», – делінген 23 қызметкер қол қойған хаттың мәтінінде.
Айта кетейік, облыстың бас акушер-гинекологы пара беремін деп ұлттық бюро қызметкерлерінің назарына ілінген. Осы іс бойынша телефонын тыңдау кезінде оның тағы бір қылмысы әшкереленген. Яғни,базаға өлі туды деп тіркелген сәби тірі болып шыққан. Директордың бұйрығы бойынша нәрестені тоңазытқышқа салып қойғанын жаздық.
Кейін белгілі болғандай, дәрігерлер электрондық мәліметтерді түзетуді қиынсынған үшін осындай қадамға барған. Оқиға 30 қыркүйекте белгілі болды. Бұл туралы денсаулық сақтау вице-министрі айтып берді.
Жаңа туған сәбидің анасы сол күні болған жағдайды еске алды. Сәби 24 жастағы келіншектің тұңғышы екенін жаздық.
