Бішкектің орталығында жойқын жарылыс болып, бір адам жан тапсырды, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Жойқын жарылыс 8 қарашада «Антошка» тамақтану орнында болған. Салдарынан 13 адам зардап шекті, кафенің бір қызметкері көз жұмды.
Жарақат алған үш бала қалалық балалар ауруханасына жеткізілді. Дәрігерлер балаларды әбден қарап, тексерген соң амбулаториялық емге жіберді.
Одан бөлек шұғыл жәрдем ауруханасына тоғыз адам жеткізілді, олардың жағдайы туралы кейінірек қосымша ақпарат беріледі.
Еске сала кетейік, Қырғызстанның Төтенше жағдайлар министрлігі Бішкектің орталығында үш жарылыс болғанын хабарлағанын жаздық.
