Көпбалалы отбасыларға табысын есептемей мемлекеттік қолдау көрсету 2020 жылдан бастап жүзеге асырылады, деп хабарлайды Neonomad.kz ақпарат агенттігі Stan.kz сайтына сілтеме жасап.
Осы мәселеге қатысты ҚР Еңбек және халықты әлеуметтік қорғау министрі Біржан Нұрымбетов пленарлық отырыс аясында журналистердің сұрағына жауап берді.
«Егер біздің ұсынысымыз қолдау тапса, яғни тиісті заң қабылданатын болса, біз бұл көмекті 2020 жылдың 1 қаңтарынан бастап беруді жоспарлап отырмыз», – деді Біржан Нұрымбетов.
Бұған дейін Қазақстан ӘЕК тағайындаудың жаңа ережелерін енгізетіні туралы хабарланған болатын.
«Осыған байланысты көпбалалы отбасылардан атаулы әлеуметтік көмек алушыларды алып тастауды және кірістеріне қарамастан оларға қолдау көрсетуді ұсынамыз. Бұл көпбалалы аналардың беделін мойындау, олардың материалдық жағдайын жақсарту. Көпбалалы отбасыларға жаңа мемлекеттік жәрдемақыны сараланған мөлшерде 42 500 -ден 73 375 теңгеге дейін орнату ұсынылады», – деді Біржан Нұрымбетов үкімет отырысы барысында.
Сурет: Ок
