Денсаулық министрі дәрігерлердің жалақысы өсетінін айтты, деп хабарлайды Neonomad.kz
Бұл туралы министр жедел медициналық көмек бригадаларының және стационарлардың қабылдау бөлімшелерінің IV республикалық конференциясында айтты.
Медициналық қызмет мамандығының абыройын арттыру мақсатында олардың жалақылары өсетін болмақ. Сонымен қатар, министр медициналық мекемелерді медициналық құрылғылармен қамту маңыздылына тоқталды.
«Мысалы, мен жедел жәрдем қызметінде жұмыс істеу абыройлы іс деп санаймын. Бұл – энтузиазистер жұмыс істейтін орын. Оларды сөгетіндер де бар, себебі бұл ерлік көрсететін жер ғана емес, бір адам қан қысымын өлшету үшін бірнеше рет шақыратын күнделікті жұмыс. Сондықтан мұндай жағдайда ынталандыру өте маңызды», – дейді ҚР Денсаулық сақтау министрі Елжан Біртанов.
Оның сөзінше, министрлік дәрігерлердің жалақысына мониторинг жүргізіп, оны көтеруге тырысқан. Бүгінде дәрігерлердің орташа жалақысы 240 мың теңге екені айтылды. 2025 жылы жалақы мөлшері өседі.
«Орташа жалақыны айтқан кезде ең үлкен жалақы мен ең аз жалақының арасындағы көрсеткіш айтылады, сондықтан ол көп болып көрінеді. Ал негізінде дәрігерлердің көбі алатын жалақы мөлшері 120 мың теңге. Бұл жерде жұмыс өтілі де ескеріледі. Біз дәрігерлердің жалақысы 2,5 есе көп болуы керектігін айттық. Бұлай болған жағдайда дәрігер мамандығын алып шыққан мамандар басқа салаға немесе жоғары жалақы алу үшін шетелде қызмет ету үшін кетпейді», – дейді ол.
