Анастасия Заворотнюктің ауыр халде ауруханаға түскені туралы ақпарат расталды. Актрисамен етене таныс Андрей Разин дәрігерлердің өзін науқасқа кіргізбей отырғанын, оның бірнеше күндік өмірі ғана қалғанын жеткізді, деп хабарлайды Neonomad.kz ақпарат агенттігі kp.kz сайтына сілтеме жасап.
«Осыдан 15 жыл бұрын «Сен діңгекті жасушаларды қолданып көрмедің бе? Жасарудың жаңа жолы, ол өмір жасыңды ұзартады – біздің болашағымыздың кепілі» деп айтқаны есімде. Ол кезде бұл сәнге айналған еді. Оның қолданғандар қатарында көптеген танымал әртістер. Соның ішінде Жанна Фриске де бар. Олардың барлығы мәңгі жас болғысы келді», – дейді продюсер.
Разиннің пікірінше, актрисаның денсаулығының күрт нашарлауына осы діңгекті жасушалар әсер етіп отыр. Сондай-ақ, бұған ипотекамен байланысты көп жылға созылған күйзеліс те әсер еткен болуы мүмкін. Ол актрисаның сырқаты туралы жарты жыл бұрын білгенін айтады.
«Сол кездің өзінде ол денсаулығының сыр беріп жүргенін айтқан болатын. Ал Польшада ауруы өрши түсті: жылдам дамиды, ешнәрсе құтқара алмайды. Қазір ол комада жатыр. Күйеуінен өзге ешкімді кіргізбейді. Кеше дәрігерлер хабарласып, көруге бола ма деп сұрадым. Олар актрисаны жасанды комаға түсіргенін, сондай-ақ, бірнеше күн өмірі қалғанын айтты», – дейді Андрей Разин.
Естеріңізге сала кетсек, танымал актрисаның ауруханаға түскені туралы хабарлаған едік.
