52 жастағы англиялық Кэрол Хорлок өзге ерлі-зайыптылар үшін суррогат ана ретінде 14 баланы дүниеге әкелді, деп хабарлайды Neonomad.kz ақпарат агенттігі.
Кэрол Хорлок – суррогат ана ретінде келісімшарт жасасқан әлемдегі ең кәрі әйел. Ол Эссекс деп аталатын патшалықта 65 жастағы күйеуі Полмен бірге тұрады. Бірінші некесінен 29 және 25 жастағы екі баласы бар. Мұнымен қатар, ол 13 бала үшін суррогат ана болып, бұл қызметі үшін 15 мың фунттан алды.
Әйел алғаш рет суррогат ана болу туралы шешімді 27 жасында қабылдағанын айтады. Әсіресе, ерлі-зайыптылардың бақытты екенін көрген кезде бұл ісіне еш өкінбейтінін бөлісті. Сондай-ақ, ол соңғы 25 жыл ішінде бір рет егіз және екі рет үшемді дүниеге әкелген.
2004 жылы балаға ДНҚ сараптамасын өткізген кезде, оның әкесі өз күйеуі болып шыққан. Қызметке жүгінген ерлі-зайыпты бұған қарамастан, баланы асырап алуға келісімін берген.
