Өзбекстанның Сырдария облысында баласын 17 мың долларға сатпақ болған әйел бес жылға сотталды, деп хабарлайды Neonomad.kz ақпарат агенттігі.
Бұған дейін хабарлағанымыздай, О.Л. есімді әйел биыл 21 шілдеде бір жастағы баласын 17 мың долларға сатып жатқан уақытта қолға түскен.
Сотта айыпталушы кінәсін мойындаған. Сот оны «адам саудасымен айналысты» деп танып, бес жылға соттады.
Өзбекстанда туған баласын сату оқиғасы жиі болып тұрады. Адам саудасымен күрес жөніндегі ұлттық комиссия жиналысында соңғы үш жылда ата-аналар 114 баланы сатқаны айтылды. Саудаланған балалардың 89 пайызы бір жасқа толмаған.
