Алматы облысында бір отбасы түгелдей жоғалып кетті, деп хабарлайды Neonomad.kz ақпараттық агенттігі.
Отбасының жоғалып кеткені туралы Facebook желісін қолданушысы Ислам Угушев жазды.
Угушевтің ақпаратынша, із-түссіз ғайып болған отбасы бес адамнан тұрады. 41 жастағы Андрей мен 39 жастағы Наталья Чурулиндер жоғалып кеткен. Олармен бірге үш баласы – Ангелина (12 жаста), Давид (9 жаста) және Даниил (7 жаста) де табылмай жатыр. Отбасы 4 тамыздан бері байланысқа шықпаған.
«Тұратын жерлерінде ешкім есік ашпайды, көршілері де отбасының қайда екенін білмейді. Ерекше белгілері – ересектер мен балалардың бәрі мылқау, ымдасып сөйлеседі. Бір жаққа кетететіндерін айтып ескертпеген. Әйелі мен күйеуі 35-40 жас шамасында. Бойлары ұзын. Денелері ірі. Шаштарының түсі ашық», – дейді туыстары.
Белгілі болғандай, Чурилиндер туыстарымен соңғы рет 3 тамызда сөйлескен. Ал 4 тамызда желіге кірген. Содан бері жоқ.
Туыстары Алатау ауданының полициясына жүгінген.
Ал Угушевтің жазуынша, отбасының көлігі 4 тамызда таңда Қапшағай автожолында камераға түсіп қалған. Бұны полиция хабарлаған. Алдын ала мәлімет бойынша, отбасы Іле өзеніне балық аулауға кеткен. Андрей Чурилин 2001-2002 жылғы, мемлекеттік нөмірі A094ZOO, көк түсті Mazda 323 автокөлігін тізгіндеген.
«Алматы қаласы мен Алматы облысының тұрғындарына өтініш: іс-түссіз жоғалып кеткен отбасыны іздеуге көмектесіңіздер. Кез келген маңызды мәліметті төмендегі телефон нөмірлеріне хабарлай аласыздар: +7 777 044 37 50 – Дмитрий, +7 707 252 61 00 – Қоғамдық Қауіпсіздік Кеңесі», – деп жазылған хабарламада.
