26 тамыз күні өткен тойда Нұрғали Нүсіпжановтың өзінен 45 жас кіші келіншегі әншіге ұл бала туып бергісі келетінін айтты, деп хабарлайды Neonomad.kz ақпарат агенттігі.
Қазақтың белгілі әншісімен қол ұстасқан Жадыра Сейдеш той үстінде ақжарма тілегін бөлісті.
«Мен сіздің жандүниеңіздің тазалығын сыйладым. Сондықтан сүрінбеңізші, құламаңызшы. Енді ешқашан ауырып мені қорқытпаңызшы. Асқар тауым деп таңдадым ғой, менің асқар тауым болып, жасыңыз Жамбылдың жасынан ассын. Мен соған қызмет етем деп келдім. Әдемі жасыңызда әке атансаңыз, оның несі айып? Жақсы адамның артында ұрпақ қалуы керек. Сіздің қолыңызды ұстап тұрып тілерім, енді кішкентай Нұрғалиұлы өмірге келіп, сол сәбидің тілегімен өмір сүрейікші”, – деді журналист қалыңдық.
Әрі қарай ол өмірлерінің дастархан басына қойылған торттай тәтті болуын тілейтінін жеткізді.
«Мен сізді арқа тұттым, сіз мені медеу тұтасыз. Осы тортты жеп, өміріміз дәл осындай тәтті болсын деп тілеймін”, – деді Жадыра Сейдеш той үстінде жұбайлардың торт кесу рәсімінде.
Естеріңізге сала кетсек, халық әртісі Нұрғали Нүсіпжановтың үйленгені туралы хабарлаған едік.
