Алматыдан елордаға ұшқан Bek Air әуе компаниясының ұшағы құлап, апаттын он екі адам қайтыс болып, 20-ға жуық адам жарақат алған. Олардың ішінде балалар бар, деп хабарлайды Neonomad.kz ақпараттық агенттігі блогер Денис Кривошеевке сілтеме жасап.
Апаттан қайтыс болған адамдардың саны өсуде. Қазірге келіп түскен ақпарат бойынша, 12 адам қайтыс болды. Айта кетейік, бұл алдын ала ақпарат бойынша.
«Апат орнында іздеу-құтқару жұмыстары жалғасуда. Оқиға орнында алдын ала зардап шеккен 6 адам, оның үшеуі бала, сондай-ақ, 7 адамның денесі бар», – деді Денис Кривошеев.
Азаматтық Авиация комитетінің баспасөз қызметінің мәліметінше, ұшақ әуеге көтерілген кезінде биіктіктен айырылып, бетонды қоршауды сындырған. Сөйтіп екі қабатты құрылысқа соққан.
«2019 жылғы 27 желтоқсанда сағат 07:22 -де Алматы-Нұр-Сұлтан бағыты бойынша Бэк эйр әуе компаниясының №Z2100 рейсі ұшып көтерілу кезінде биіктіктен айырылып, бетонды қоршауды сындырған. Екі қабатты құрылыспен қақтығыс болды.
Дереу құтқару жұмыстары басталды, өрт болған жоқ. Жолаушыларды және әуе кемесінің экипажын эвакуациялау жүзеге асырылуда. Қазіргі уақытта қаза болғандардың саны 7 адамды құрайды.
Премьер-министрінің тапсырмасы бойынша премьер-министрдің орынбасары бастаған үкіметтік комиссия құрылды. Комиссия құрамында Индустрия және инфрақұрылымдық даму министрі және басқа да мемлекеттік органдардың өкілдері бар.
Комиссия оқиға орнына ұшып шығады. Оқиғаның егжей-тегжейлі жағдайлары мен себептері анықталады. Оқиға мән-жайын анықтағанға дейін осы типтегі ұшақтардың ұшуы уақытша тоқтатылды. Алдын ала мәліметтер бойынша, бортта 95 жолаушы, 5 экипаж мүшесі болған», – делінген хабарламада.
Еске сала кетейік, Алматыдан Нұр-Сұлтанға ұшып бара жатқан Bek Air әуе компаниясының ұшағы құлады. Ішінде 95 жолаушы болғанын жаздық.
