Ұшағы апат болып, 14 адамның өліміне себеп болған Bek Air компаниясының басшысы осы күнге дейін неге үнсіз болғанын түсіндірді, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Bek Air компаниясының басшысы Нұрлан Жұмасұлтановтың қатысуымен Алматы әуежайында баспасөз маслихаты өтті.
Журналистредің сұрақтарына жауап бермес бұрын Жұмасұлтанов бір минуттық үнсіздік жариялады.
– Ең алдымен, қаза болғандардың отбасыларына көңіл айтамын. Өкінішке орай, адамдардың, соның ішінде біздің командирдің өмірін қиған осындай қайғылы жағдай болды. Сондықтан бәрін бір минут үнсіздікпен еске алайық, – деді ол.
Әуе компаниясында Нұрлан Жұмасұлтановтың кім екендігі туралы сұраққа ол «компания басшысымын» деп жауап берді.
– Мен бұл компанияны белгілі бір уақытқа дейін басқардым, қазір қайта оралуыма тура келді. Мені компанияның басшысы деп жаза аласыздар. Екі күн бойы халық алдына неге шықпағанымызды түсіндіргім келеді. Біріншіден, сіздер сияқты біздің болған жайттан есіміз шығып кетті, – деді ол.
Оның сөзінше, ұшақ апатқа ұшырады дегенді есіте салысымен компания өкілдері оқиға орнына дереу жеткен. Эвакуация ісіне қатысқанын айтты.
– Тергеу органдарында болдық, жерлеу рәсімдерімен айналысқан. Сонымен бірге, біз сізге берілген ақпараттарды жіті қадағалап, оны бүге-шешесіне дейін таразылап отырдық, оны кейін жариялайтын боламыз, – деп сендірді Жұмасұлтанов.
Ол бұқаралық ақпарат құралдарымен осы кездесуді ұйымдастырған ҚР ҚР Индустрия және инфрақұрылымды дамыту министрлігіне алғысын білдірді.
