Батыс Қазақстан облысында білім беру бөлімінің басшысы пара алды деп айыпталуда, деп хабарлайды Neonomad.kz ақпараттық агенттігі Nur.kz сайтына сілтеме жасап.
Шаңғырлау ауданының білім беру бөлімінің басшысына қатысты тергеу жүргізілуде.
Сыбайлас жемқорлыққа қарсы қызметтің мәліметінше, күдікті 1,96 млн теңге көлемінде пара алған.
Алдын ала болжам бойынша, басшы аудан мектептері мен білім беру бөлімінің ғимаратын күрделі жөндеуден өткізу бойынша атқарылған жұмыстардың актілеріне қол қою керек болған. Сол үшін кәсіпкер ақша берген.
Күдікті ұсталды және Орал уақытша ұстау изоляторына қамауға алынды. Қазіргі уақытта шенеунікке қатысты бұлтартпау шарасын таңдау мәселесі шешілуде. Бұл істе нүктені сот қояды.
