Ресейлік газеттің бас редакторы журналист қызды зорлады деп айыпталуда, деп хабарлайды Neonomad.kz ақпараттық агенттігі Zakon.kz сайтына сілтеме жасап.
33 жастағы журналист қыздың сөзінше, оқиға 27 қыркүйекте орын алған. Редакция ұжымы корпоратив ұйымдастырып, сол жерде қыз мас болып қалады. Есін жиған кезде өзін бас редактор Боголюбовтың зорлап жатқанын көреді.
Бас редакторға қарсы қылмыстық іс қозғалды, деп жазады «Медуза».
Щеголованың (журналист қыз) сол күні ішімдікті шамадан тыс көп қабылдап қойғанын әріптестері айтты.
Сосын 42 жастағы бас редактор мас әйелді өзімен бірге таксимен ала кететін болған: екеуінің тұратын үйлері бір маңда екен. Бұған әйел де келіседі, өйткені бас редактор әйелдің күйеуін жақсы таниды, екеуі бала кезден дос.
Жұрттың бәрі тарап кеткен соң, журналист пальтосын киіп, редакторы такси шақырғанша үстелдің басында күтіп отырған сәтте қатты ұйқыға кетеді. Зорланып жатқан кезінде бірақ оянды. Журналистің айтуынша, бас редактор оны екі рет зорлаған, бір рет кабинетте және екінші рет дәретханада.
Кейін Боголюбов қанша жалынғанымен, жәбірленуші кешірмеді: 30 қыркүйекте полицияға арыз жазды.
Алайда бас редактордың әйелі полиция полковнигі екен. Соның салдарынан тергеу жөнді жүрмей жатыр. Іс алға жылжымай, ана тергеушіден мына тергеушінің қолына өтуде. Бас редактордың әйелі «арызыңды қайтып ал» деп жәбірленушіден талап етіп жүр екен.
