Ақтөбеде теміржол ауруханасының дәрігерлері уақытымыз жоқ деп, науқастарды қабылдамай қойған, деп хабарлайды Neonomad.kz ақпарат агенттігі Stan.kz сайтына сілтеме жасап.
Ақ халаттылардың бұл қылығы түсірілген видео әлеуметтік желіде таралды. Бейнежазбада медицина қызметкерінің тұрғынға дөрекі түрде жауап беріп, ем орталығына шығыңдар деп айтқаны аңғарылады. Ал науқастар болса аурухананың кіреберісінде жөтеліп жатқаны байқалады.
«Дәрігерлердің қолы бос емес. Алып кетіңдер, басқа ауруханаға алып барыңдар», – дейді видеодағы дәрігер.
Қазіргі таңда Ақтөбенің медицина орталығының (АМО) бас дәрігері Рүстем Исаев оқиға жайлы пікірі білдірді. «Диапазон» басылымына берген сұқбатында ол АМО-ға науқастар сағат 17:00-ге дейін, ал теміржол ауруханасына осы уақыттан ары қарай орналастырылатыны жайлы айтыпты.
«Біздің дәрігерлер сағат 17:00-ге дейін пациенттерді қабылдайды. Ал теміржол ауруханасы науқастарды қабылдаудан бас тартқан. Оларда мамандар жетіспеуде. Ауру жұқтырғандардың саны 200-ден асып кетті», – дейді Исаев.
Осы жағдайға байланысты науқастар АМО-ға жатықызылады деген шешім шығарылған. Бүгінгі күні ем қабылдау орталығы провизорлы госпиталь сияқты 24 сағат бойы жұмыс істеуде екен.
Еске салайық, бұған дейін Атырауда ауруханаданауқастарға орын жетпей жатқандығы айтылған еді.
