Дағыстанда әйел 2012 жылы туған қызын өзенге батырып өлтірген, деп хабарлайды Neonomad.kz ақпараттық агенттігі РИА Новости сайтына сілтеме жасап.
Оқиға 2018 жылы 6 қыркүйекте күндізгі уақытта Дағыстанның Чонтаул ауылында орын алды. Баланың тәрбиесіне бас қатырғысы келмеген әйел 6 жастағы қызын өзенге батырып жіберген.
Өзен жағалауына күндізгі уақытта келіп, суға батырған. Кішкентай қыздың жан тапсырғанына көз жеткізген ана оқиға орнынан кетіп қалған.
Үш күннен кейін жеткіншектің денесі өзеннің бойынан табылған.
РИА Новости мәліметінше, тергеу амалдары барысында күдіктінің кінәсін дәлелдейтін ақпарат жеткілікті түрде жиналған. Жақында іс сотқа жіберіледі.
