Баласына үй жұмысын түсіндіргісі келген ананың денсаулығы сыр беріп, ауруханаға жеткізілді, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
Оқиға Қытайда болған. Asia One сайтының мәліметінше, 36 жастағы әйел миокард инфарктісін алған. Ол ұлына үй тапсырмасын бірнеше рет түсіндірген, сол кезде өзін жаман сезініпті.
«Мен өте қатты ашуландым. Жүрегім дүрсілдеп соға бастады. Дем алу қиындап кетті», – деді әйел.
Әйелінің жағдайын көрген ері жедел ауруханаға жеткізген. Дәрігерлердің сөзінше, ол миокард инфарктісін алған.
Миокард инфарктісі – жүрек сырқаты. Инфаркт кезінде кеуде тұсы, сол жақ қол, иық пен мойынның сол жағы ауырады.
