Ақтөбеде 95 адам дағдарыс орталығының көмегіне жүгінген, оның 33-і әйелдер. Олар түрлі себептермен далада қалған, деп хабарлайды Neonomad.kz ақпараттық агенттігі Nur.kz сайтына сілтеме жасап.
«Тұрмыстық зорлықта зәбір көрген келіншектердің жасы әртүрлі. Орталыққа келгендердің арасында 18 жастан 58 жасқа дейінгі әйел адамдар бар.
Құндақтағы кішкентай баласымен көмек сұрап жүрген көпбалалы аналар аз емес. Төрт немесе одан да көп баласымен дағдарыс орталықтарына келеді.
Бізде жатқан 58 жастағы әйел балаларының тарапынан зорлық көрген. Балалары қол көтеріп, ұйінен қуып шыққан», – дейді дағдарыс орталығының басшысы Динара Қарабалина.
Өз туған-туыстарынан қолық көрген нәзік жандылар көмек сұрап келетін орталықта алты ай тұру тегін. Оның ішінде тамағы, жатын орны бар.
Осы уақыт аралығында әйелдер өзіне келіп, әлеуметтік және медициналық көмек ала алады.
Биыл орталыққа 95 адам көмек сұрап келген. Оның 33-і әйел адам болса, 62-сі бала.
