Қостанай облысындағы Рудный қаласында шу шықты. Жетімдер үйінде тәрбиеленіп жатқан балаларды айуандық жағдайда ұстаған. Тіпті бүлдіршіндерді атымен емес, нөмірмен шақырады, деп хабарлайды Neonomad.kz ақпараттық агенттігі «Астана» арнасына сілтеме жасап. 

Президент аппараты жанындағы жұмыс тобының жетекшісі Ырысты Жұмабекованың мәліметінше, балаларды қорлаған басшылар жұмыстарынан қуылған.

Бұған дейін жетім әрі мүгедек бүлдіршіндердің бірнеше күндеп нәжіс пен запыранында жатқаны әшкереленді. Ал балалар үйінің қызметкерлері болса қорғансыз бөбектерді атымен емес, нөмірмен атап келген.

«Балалар үйінің басшылығы қызметтерінен босатылды. Әкімшілік жауапқа да тартылды. Жетімдер үйі Қостанайға көшірілді. Мұндай проблемаларды кейінге қалдырмай, тез арада шешкен дұрыс. Ал Павлодар облысында балалар тәрбиесі ақсап тұр. «Nur Otan» филиалындағы жиында оқушылар арасында ерте жүктілік белең алғаны белгілі болды. Енді мектеп пен ата-аналар арасында түсіндіру жұмыстары жүргізілмек», – деді ҚР Президенті аппараты жанындағы жұмыс тобының жетекшісі Рысты Жұмабекова.